معروف گلوکار وارث بیگ کے صاحبزادے عمار بیگ نے گلوکاری کے میدان میں قدم رکھ لیا۔

تفصیلات کے مطابق گلوکار وارث بیگ کے صاحبزادے عمار بیگ نے گلوکاری کے میدان میں باقائدہ قدم رکھ لیا ہے۔

گلوکار عمار بیگ کی جانب سے دو گانوں کی تیاری مکمل کرلی گئی ہے جسے 12 نومبر کو مختلف ویب سائٹس کے ذریعے دنیا بھر میں ریلیز کیا جائے گا۔

نئے تیار کئے گئے گانوں میں ایک اردو جبکہ دوسرا گانا انگریزی زبان میں ہے۔

گانوں کی لانچگ تقریب میں ملک کے نامور فنکار راحت فتح علی خان، شفقت امانت علی خان، شان شاہد، ریشم ، سمیت دیگر کو مدعو کیا جائے گا۔

بول نیوز سے گفتگو کرتے ہوئے گلوکار عمار بیگ نے کہا کہ گلوکاری کا شوق والد کو دیکھ کر پیدا ہوا۔

گلوکار عمار بیگ نے یہ بھی کہا کہ دونوں گانوں کی کہانی رومینس پر مبنی ہے جس کی تیاری میں بے حد محنت کی ہے۔

معروف گلوکار وارث بیگ کے صاحبزادے عمار بیگ نے مزید کہا کہ پاکستان میوزک انڈسٹری میں بے پناہ مواقع موجود ہیں امید کرتا ہوں 12 نومبر کو ریلیز ہونے والے گانے لوگوں کو بے حد پسند آئیں گے۔