وزیر اعظم عمران خان کے معاون خصوصی شہباز گل کا ن لیگی قیادت پر تنقید کرتے ہوئے کہناہے کہ صحت پر سیاست ن لیگ کا وطیرہ ہے، شہباز شریف کا کمر درد صرف احتساب کے وقت ہوتا ہے جبکہ خرابیِ صحت کا بہانہ کرکے میاں صاحب مفرور ہوگئے۔

شہباز گل نے مریم اورنگزیب کے بیان پر ردعمل کا اظہار کرتے ہوئے کہا کہ اُس وقت بھی مریم اورنگزیب کے بیانات اسی طرز کے تھے، حکومت کو نواز شریف کی بیماری کا ذمہ دار ٹھہرایا جا رہا تھا۔

شہباز گل نے کہا کہ آج بڑے میاں نہ صرف بھلے چنگے ہیں بلکہ ریاست کے خلاف زہر اُگلنے میں مصروف ہیں، یہ بیماریوں کا بہانہ احتساب سے بچنے کیلئے کرتے ہیں۔