پاکستان ڈرامہ و فلم انڈسٹری کی سینئر اداکارہ عتیقہ اوڈھو نے امریکی الیکشن کے نتائج پردلچسپ تبصرہ کیا ہے۔

امریکی صدارتی انتخابات میں جوبائیڈ ن امریکا کے نئے صدر منتخب ہوئے ہیں جبکہ ڈونلڈ ٹرمپ کو ان اتنخابات میں شکست ہوئی ہے۔ نتائج کے بعد سوشل میڈیا پر بھی ٹرمپ کی شکست پر مختلف قسم کے میمز بن رہے ہیں، اسی سلسلے میں پاکستانی اداکارہ عتیقہ اوڈھو بھی دلچسپ تبصرے کرتی نظر آئیں۔

عتیقہ اوڈھو نے ویڈیو شیئرنگ ایپ انسٹاگرام پر پاکستان کی معروف ترین اداکارہ ماہرہ خان کے ہمراہ ایک تصویر شئیر کی ہے جس میں ماہرہ بڑے ہی پُرجوش انداز میں مسکراتی دکھائی دے رہی ہیں۔

پوسٹ میں عتیقہ اوڈھو نے اداکارہ ماہرہ خان کے مقبول ترین کردار ’خرد‘ کا نام لیتے ہوئے دلچسپ تبصرہ کچھ اس طرح کیا۔

خرد: ممی ٹرمپ چلا گیا، جو بائیڈن جیت گیا، چلیں جشن مناتے ہیں کیونکہ اب امریکا اپنے تاریک دنوں سے باہر نکل آئے گا۔

فریدہ: ہاں بیٹا، واقعی یہ ایک زبردست دن ہے! کیوں نہ تم امریکا چلی جاؤ اور میرے بیٹے کو اکیلا چھوڑ دو۔

خیال رہے کہ دونوں اداکاراوں نے میگا ہٹ ڈرامہ سیریل ’ہمسفر‘ میں ایک ساتھ کام کیا تھا۔