چئیرمین پاک سر زمین پارٹی مصطفی کمال نے ایم کیو ایم پاکستان کے رہنما خالد مقبول صدیقی پر سنگین الزامات لگاتے ہوئے کہا ہے کہ خالد مقبول صدیقی 2000 میں بانی ایم کیو ایم کی ہدایت پر بھارت گئے۔

پریس کانفرنس میں مصطفیٰ کمال نے کہا کہ خالد مقبول صدیقی 13سال بعد پاکستان واپس آئے۔ خالد مقبول صدیقی نے بھارت جاکر پاکستان کا پاسپورٹ پھاڑدیا تھا۔ را ایجنٹ بتا رہے ہیں کہ بھارت ہمیں خالد مقبول صدیقی لے کر گئے۔

مصطفی کمال نے کہانظریہ ضرورت کے تحت ایم کیو ایم بنائی گئی۔ نام، جھنڈا، پتنگ کا نشان بانی ایم کیوایم کا دیا ہوا ہے۔ ایم کیوایم پاکستان ابھی تک برقرار ہے اور اپنے مقصد پر کام کر رہی ہے۔ بانی ایم کیوایم کے بنائے پرچم کو آج ایم کیوایم پاکستان نےاٹھایا ہوا ہے۔

مصطفیٰ کمال نے کہا کہ خالدمقبول نے’را‘ کیساتھ بیٹھ کر پاکستان کیخلاف بات کی اور پاکستانی پاسپورٹ پھاڑ دیا تھا۔ ہم نے ایم کیوایم کے’را‘ کیساتھ تعلقات سےمتعلق ساڑھے4سال پہلےقوم کوآگاہ کیا تھا۔