عالمی ادارہ صحت نے کہا ہے کہ ابھی تک ایسی کوئی ویکسین نہیں جس کو عالمی سطح پرمنظور کرلیا گیا ہو۔

خبر رساں ایجنسی کا کہناہے کہ ڈبلیو ایچ او نے زیادہ سے زیادہ کورونا ویکسین تیار کرنے پر زور دیا ہے اور کہا ہے کہ وائرس کیخلاف ہمیں مزید ویکسینز بنانے کی ضرورت ہوگی۔

عالمی ادارہ صحت کا کہناتھا کہ زیادہ سے زیادہ ویکسین زیادہ لوگوں کو فائدہ پہنچا سکتی ہے۔ کچھ ویکسین حاملہ خواتین اور عمر رسیدہ افراد کیلئے زیادہ محفوظ ہوسکتی ہے تاہم لاعلمی اور بے احتیاطی ہمیں کورونا میں مبتلا کرسکتی ہے۔

ڈبلیو ایچ او کا کہناہے  کہ  ہمارا مقصد ہے کہ 2021میں تقریباً 20فیصد آبادی کو ویکسین فراہم کی جائے۔ چند ایک ویکسین پر مرحلہ وار اقدامات جاری ہیں۔

خیال رہے کہ دنیا بھر سے فارماسیوٹیکل کمپنیاں اس وقت  کورونا وائرس کی ویکسین تیار کرنے کیلئے کوشاں ہیں۔  روس نے اپنی بنائی کورونا ویکسین کے 90 فیصد سے زیادہ مؤثر ہونے کا دعویٰ کیا تھا۔