اسلام آباد چڑیا گھر کے ہاتھی کاون کو آج کمبوڈیا روانہ کر دیا جائے گا۔ کاون کو بھیجنے کی تیاریاں مکمل کر لی گئی ہیں۔

تفصیلات کے مطابق سول ایوی ایشن اتھارٹی (سی اے اے) کی جانب سے کاون کو کمبوڈیا لے جانے کے لیے خصوصی کارگو طیارہ اسلام آباد ائرپورٹ پہنچ گیا ہے۔

گزشتہ روز سول ایوی ایشن کے شعبہ ایئر ٹرانسپورٹ نے طیارہ لینڈنگ سے متعلق  نوٹیفکیشن جاری کر دیا تھا۔ ایوی ایشن ڈویژن نے حکام کو ہاتھی کی منتقلی سے متعلق سہولتیں فراہم کرنے کی ہدایت بھی کر رکھی ہے۔

ہاتھی کاون کی منتقلی کے لیے وزارت ماحولیات تبدیلی نے سرٹیفکیٹ بھی جاری کر دیا تھا۔

کاون کی کمبوڈیا منتقلی کے لیے دو غیر ملکی ڈاکٹرز اور 8 غیر ملکی ٹیکنیکل اسٹاف کی ٹیم  بھی ساتھ ہوگی۔