امریکی صدر ڈونلڈ ٹرمپ نے انتخابات میں ڈیموکریٹ امیدوار جو بائیڈن سے شکست تسلیم نہ کرتے ہوئے کہا کہ یہ وقت ہی بتائے گا کہ مستقبل میں وہ امریکہ کا صدر رہتے ہیں یا نہیں۔

خبر ایجنسی کے مطابق امریکا میں ٹرمپ کے حامیوں کی جانب سے ریلیاں نکالنے کا سلسلہ جاری ہے جس سے ماحول کشیدہ ہورہا ہے۔

خیال رہے کہ صدارتی انتخاب میں ڈیموکریٹک امیدوار جو بائیڈن نے 306 الیکٹورل کالج ووٹ حاصل کرلیے جبکہ ڈونلڈ ٹرمپ 232 ایکٹورل ووٹ ہی لے پائے۔

غیرملکی خبر ایجسنی کے مطابق جمعے کو صدر ٹرمپ نے روز گارڈن میں کورونا وائرس ویکسین کی منظوری کے حوالے سے تقریب سے خطاب کرتے ہوئے کہا کہ وہ دوبارہ وبا کو روکنے کے لیے لاک ڈاون نافذ نہیں کریں گے۔