حکومت کی جانب سے اپوزیشن کیخلاف  قانون کارروائی کا فیصلہ کرلیا گیا۔

وفاقی وزیراطلاعات سینیٹر شبلی فراز  کا کہناہے کہ ذاتی مفاد کے لئے عوام کی صحت اور زندگیوں سے کھیلنا سب سے بڑی خود غرضی ہے، اپوزیشن غیر ذمہ داری کا ثبوت دینے پر تلی ہوئی ہے۔

ذاتی مفاد کے لئے عوام کی صحت اور زندگیوں سے کھیلنا سب سے بڑی خود غرضی ہے۔خیبر پختونخوا میں کیسز بڑھنے کی صورت اپوزیشن راہنماؤں اور جلسوں کے منتظمین پر ایف آئی آر درج کرائی جائے گی۔

— Senator Shibli Faraz (@shiblifaraz) November 21, 2020

سماجی رابطے کی ویب سایٹ ٹویٹر پر ٹویٹ کرتے ہوئے شبلی فراز نے کہا کہ اپوزیشن کاجلسے منعقد کرنے پر بضد ہونا ان کی غیر جمہوری سوچ اور غیر ذمہ دارانہ رویے کا عکاس ہے،عدالتی اور حکومتی احکامات کے بعد جلسے منعقد کرنے کا کوئی قانونی اور اخلاقی جواز نہیں بنتا۔

شبلی فراز کا مزید کہناتھا کہ خیبر پختونخوا میں کیسز بڑھنے کی صورت  میں اپوزیشن رہنماؤں اور جلسوں کے منتظمین پر ایف آئی آر درج کرائی جائے گی۔