مسلم لیگ ن کے صدر شہباز شریف نے کہا ہے کہ ہمیں اس مشکل وقت میں عوام کا حوصلہ بڑھانا ہے۔

تفصیلات کے مطابق مسلم لیگ ن کے صدر شہباز شریف، نائب صدور مریم نواز اور چوہدری پرویز الہی کے مابین ہونے والی ملاقات کی اندرونی کہانی سامنے پر آگئی۔

ذرائع کے مطابق تینوں کے مابین ہونے والی تیس منٹ کی ملاقات میں پی ڈی ایم کے لاہور میں ہونے والے جلسے سے متعلق امور پر تبادلہ خیال کیا گیا جبکہ موجودہ صورتحال پر تفصیلی بات چیت ہوئی۔

ذرائع کا یہ بھی کہنا ہے کہ شہباز شریف نے میاں نواز شریف سے بھی فون پر بات کی جس میں میاں نواز شریف نے شہباز شریف کو حوصلہ دیا۔

ذرائع کا کہنا ہے کہ مریم نواز نے تیرہ دسمبر کے جلسے کے حوالے سے بھی شہباز شریف سے مشورہ کیا جس پر شہباز شریف نے مریم نواز کو زیادہ سے زیادہ کارکنان کو اکھٹا کرنے کا مشورہ دیا۔

ملاقات میں مسلم لیگ ن کے صدر شہباز شریف نے کہا ہے کہ ہمیں اس مشکل وقت میں عوام کا حوصلہ بڑھانا ہے۔

ذرائع کا مزید کہنا ہے کہ مریم نواز نے شہباز شریف کی ہدایات سے اہم لیگی ارکان اسمبلی کو آگاہ کر دیا ہے۔