مسلم لیگ ن پنجاب کی جانب سے خواجہ آصف کی گرفتاری کے بعد کل ہنگامی اجلاس طلب کرلیا گیا ہے۔

تفصیلات کے مطابق اجلاس رانا ثنااللہ کی زیر صدارت کل ساڑھے 11 بجے ماڈل ٹاؤن لاہورمیں منعقد ہوگا، جس میں خواجہ آصف کی گرفتاری کے بعد نیب کی مزید کارروائیوں سے متعلق بات ہوگی۔

اجلاس کے دوران استعفوں سے متعلق  ڈیڈ لائن پر ارکان سے مشاورت کی جائے گی اور پنجاب احتجاجی ریلیوں کے حوالے سے رہنماؤں کو ذمہ داریاں سونپی جائیں گی۔

ذرائع کے مطابق اجلاس میں حکومت مخالف تحریک کی کامیابی کے لیے مختلف تجاویز بھی تیار کی جائیں گی۔

خیال رہے کہ قومی احتساب بیورو(نیب)  نے مسلم لیگ ن کے سینئر رہنما اور سابق وزیر خارجہ خواجہ آصف کو و اثاثہ جات کیس میں گزشتہ روز گرفتار کیا تھا۔