پاکستان شوبز انڈسٹری کے اداکار حمزہ علی عباسی کی اہلیہ نیمل خاور عباسی نے اپنی بہن فضا خاور کی مہندی کی تقریب میں ڈانس کیا جس کی ویڈیو تیزی سے سوشل میڈیا پروائرل ہو گئی۔

تفصیلات کے مطابق سابقہ اداکارہ نیمل خاور کی چھوٹی بہن فضا خاور کی شادی کی تقریبات کا سلسلہ جاری ہے

مزید پڑھیں

نیمل خاور کا دلکش انداز مداحوں کو بھا گیا

پاکستان شوبز انڈسٹری کی سابق اداکارہ نیمل خاور کی نئی تصاویر نے...

گزشتہ روز اُن کی بہن فضا خاور کی مہندی کی تقریب ہوئی جس کی تصویریں اور ویڈیوز سوشل میڈیا پر وائرل ہوگئی ہیں۔

سوشل میڈیا پر وائرل ہونے والی تصویروں میں دیکھا جاسکتا ہے کہ نیمل خاور نے اپنی بہن کی مہندی کی تقریب میں سُرخ رنگ کا خوبصورت لہنگا زیب تن کیا ہوا ہے اور اُس کے ساتھ ہی دلکش جیولری بھی پہنی ہوئی ہے۔

نیمل خاور کی ایک وائرل ویڈیو میں دیکھا جا سکتاہے کہ وہ ایک بھارتی گانے پر ڈانس کررہیں ہیں۔

یاد رہے کہ اس سے قبل نیمل نے اپنی بہن کی مایوں پر جذباتی پیغام جاری کیا تھا۔

نیمل نے اپنی انسٹاگرام پوسٹ کے کیپشن میں لکھا تھا کہ ’جب آپ کی چھوٹی بہن اپنی زندگی کے ایک نئے مرحلے میں شامل ہو رہی ہو تو دیکھ کر کچھ ایسا ہی جذباتی محسوس ہوتا ہے۔

واضح رہے کہ نیمل خاور کے ڈانس کی اس ویڈیو پر صارفین کی جانب سے بڑی تعداد میں لائکس آرہے ہیں۔