وفاقی وزیرتعلیم شفقت محمود کا کہناہے کہ اسکولز کھلنے سے متعلق کسی فیصلے کےلیے 4 جنوری کی تاریخ کا اعلان کیا ہے۔

تفصیلات کے  مطابق اسلام آباد میں پریس کانفرنس کرتےہوئے وفاقی وزیرتعلیم نے کہا کہ این سی او سی جنوری کی پہلے ہفتے میں تعلیمی ادارے کھولنے سے متعلق جائزہ لے گی، 10 جنوری کے بعد تعلیمی ادارے کھلنے یا نہ کھلنے کا فیصلہ 4 جنوری کو ہوگا۔

ان کا کہناتھا کہ چاہتے ہیں اسکول جلد کھل جائیں تاہم بچوں کی صحت پر کوئی رسک نہیں لے سکتے۔

 انھوں نے بتایا مہلک وبا کے باعث ملک بھر کے دینی مدارس بھی بند ہیں۔

واضح رہے کہ موجودہ سال مارچ سے ستمبر تک تعلیمی ادارے بند تھے۔ ستمبر سے مرحلہ وار تعلیمی ادارے کھولےگئے تاہم ملک میں کرونا کی دوسری لہر کے ساتھ ہی نومبر کے آخری ہفتے سےتعلیمی ادارے جنوری 2021 تک بند کرنےکافیصلہ کیا گیا۔