پاکستان سمیت دنیا بھر میں مقبولیت کے جھنڈے گاڑنے والے ترکی کے شہرہ آفاق ڈرامہ ارطغرل غازی میں مرکزی کردار ادا کرنے والے ترکش اداکار انگین التان گزشتہ روزپاکستان پہنچ چکے ہیں۔

 ایک ’پاکستان اِن ترکی‘ نامی ٹوئٹر ہینڈل کی جانب سے ٹوئٹ کیا گیا ،جس کے مطابق ارطغرل غازی ( انگین التان ) پاکستان کے شہر لاہور اپنےمختصر دورے پر پہنچے ، جنھیں پاکستان میں ایک پرائیوٹ بزنس کمپنی نے مدعو کیا ہے۔

#ErtugrulGazi (Diriliş Ertuğrul) lead actor/hero Mr. Engin Altan Düzyatan just landed at Lahore Airport for a short visit to Pakistan at the invitation of a private business company. Join us to welcome him. #PakistanWelcomesErtugrul#VisitPakistan

@eadksk pic.twitter.com/AhnXowXNRc

Advertisement

— Pakistan in Turkey (@PakTurkey) December 10, 2020

اس کے علاوہ ہیش ٹیگ کے ساتھ مزید لکھا گیا کہ پاکستان ارطغرل کو خوش آمدید کہتا ہے اور دورہ پاکستان۔

انگین آلتان کے مداحوں نے انہیں سوشل میڈیا پوسٹ کے ذریعے پاکستان میں خوش آمدید کہا اور اُن سے خوب محبت کا اظہار کیا گیا ۔

اس سلسلے میں پاکستان شوبز انڈسٹری کے اداکارو میزبان احمد علی بٹ کی جانب سے بھی اپنے فوٹو، ویڈیو شیئرنگ ایپلیکیسن انسٹا گرام کے اکاؤنٹ پر ایک اسٹوری کے ذریعے انگین آلتان کو خوش آمدید کہا گیا۔

احمد علی کا اپنی اسٹوری میں کہنا تھا کہ ترک اداکار انگین التان کو پاکستان کے شہر لاہور کے ایئر پورٹ پر دیکھا گیا ہے اور وہ یاسر حسین کو ڈھونڈ رہے ہیں۔

یاسر حسین کی جانب سے بھی ایک اسٹوری شیئر کی گئی جس میں اُن کا کہنا تھا کہ ارطغرل میرے پیچھے، میں ارطغرل کے پیچھے، بہت مزہ آ رہا ہے۔

واضح رہےکہ انگین التان (ارطغرل غازی) کا پاکستان کا یہ مختصر دورہ اس لحاظ سے بھی بہت اہمیت کا حامل ہے کہ وزیر اعظم عمران خان کی خواہش پر خلافت عثمانیہ کی جدوجہد کی تاریخ پر مبنی اس ترک ڈرامے کو پاکستان ٹیلیویژن پر اردو ڈبنگ کے ساتھ نشر کیا گیا ،جسے ناصرف  پاکستانی شائقین میں بے حد مقبولیت حاصل ہوئی بلکہ کروڑوں شائقین کی جانب سے اس ڈرامے کو دیکھا گیا ۔

انگین التان کے دورے سے پاکستان اور ترکی کے ثقافتی تعلقات میں مزید وسعت پیدا ہوگی۔