موسم سرما کا لذیذ ترین پھل ’کینو‘ تو سب ہی کا پسندیدہ ہے جس کے بے شمار فوائد ہیں مگر کیا آپ نے کبھی اس پھل کے چھلکے کھانے سے متعلق سوچا ہے؟ اگر نہیں تو فوائد پڑھ کر آپ بھی کینو کے چھلکے کھانے لگیں گے۔

کینو کے چھلکے اور ان کے فوائد؟

سردیوں کی آمد کے ساتھ ہی جہاں دیگر پھل سامنے آتے ہیں وہیں کینو کی خوشبو بھی فضاء کو معطر کررہی ہوتی ہے اور وٹامن سی سے بھرپور پھل نارنجی کے چھلکوں میں بھی فائبر ، وٹامن بی 6 ، کیلشیم، وٹامن اے ، فولک ایسڈ سمیت جڑی بوٹی ہونے کے سبب پولی فینول طبی اجزاء پائے جاتے ہیں جو دل اور معدے کے امراض میں بے حد مفید ہیں اور یہ مانا جاتا ہےکہ پولی فینول کی موجودگی کینو کے چھلکے دائمی صحت میں کردار ادا کرتی ہیں جبکہ چھلکےذیابطیس 1 اور ذیابطیس 2، موٹاپا، الزائیمر جیسی بیماریوں سے بچاؤ کے ساتھ بیماریوں کے علاج میں بھی مفید ہیں۔

کینو کے چھلکوں کو کیسے استعمال کیا جاسکتا ہے؟

ماہرین صحت کے مطابق کینو کے چھلکوں کو براہ راست چھوٹے چھوٹے ٹکڑوں کی شکل میں کھایا جا سکتا ہے اور انہیں باریک باریک کاٹ کر سلاد میں بھی استعمال کیا جا سکتا ہے یا ان کی اسموتھی (شربت) کے طور پر بھی غذا میں شامل کر سکتے ہیں۔

کینو کے چھلکوں کو میٹھے میں سجاوٹ کے لیے بھی استعمال کیا جاتا ہے جبکہ ان کا استعمال دہی، مفن یا کیکس میں بھی کیا جاتا ہے ۔

دوسری جانب  کینو کےچھلکوں کا استعمال اگر آپ نے کبھی نہیں کیا تو احتیاط لازم ہے کیونکہ یہ آپ کی غذا میں بالکل نیا منفرد تجربہ ہوگا، اس لیے شروع میں کینو کے چھلکوں کا استعمال کم مقدار میں کریں اور اپنے جسم کو اس کے استعمال کا عادی بنا لیں جبکہ  چھلکے ہمیشہ اچھی طرح سے دھو کر استعمال کریں۔

کینو کے چھلکوں کے فوائد؟

نارنجی کے چھلکوں کو دھوپ میں خشک کر کے اس کو پیس لیں جس کے بعد یہ پاؤڈر کی صورت اختیار کرجائے گا اور اس سے روزانہ چہرے کا مساج کریں ایسا کرنے سے آپ کے چہرے کی جلد نرم ملائم ہوجائے گی اور سورج کی شعاعیں بھی آپ کے رنگ کو متاثر نہیں کرسکیں گی۔

نارنجی کے چھلکوں کا پاؤڈر پانی میں ملائیں اور پھر اُس میں چند قطرے لیموں کے شامل کریں، اب اس ماسک کو چہرے پر لگائیں ایسا کرنے سے آپ کی جلد قدرتی روشن اور چمک دار ہوجائے گی جبکہ  اگر آپ کی جلد پر کوئی انفیکشن ہوجائے تو نارنجی کے چھلکوں کا پاؤڈر مذکورہ حصے پر لگائیں ایسا کرنے سے آپ کا انفیکشن جلد ختم ہوجائے گا۔

غسل کے لیے بالٹی میں پانی بھرنے کے بعد اس میں نارنجی کے چھلکے کچھ دیر کے لیے ڈال دیں اور پھر اُس پانی کو نہانے کے لیے استعمال کریں، اس عمل سے آپ تازگی محسوس کریں گے۔

واضح رہے کینو کے چھلکوں سے معدے میں جلن یا تذابیت محسوس ہو تو چھلکوں کا استعمال روک دیں کیونکہ  ان کا ذائقہ ترش اور تیکھا ہوتا ہے جس سے چھلکے نگلنے میں مشکل ہو سکتی ہے۔