فیڈریشن آف رائل کالجزآف فزیشن یوکے کی ٹیم  نے پاکستان  کا دورہ  کیا۔

پاک فوج کے شعبہ تعلقات عامہ (آئی ایس پی آر) کے مطابق  کانفرنسز اور مفاہمت کے بعد  ایم آر سی پی کے لیے انٹرنیشنل میڈیکل ڈائریکٹر ڈاکٹر ڈونلڈ فرخور کی سربراہی میں پانچ رکنی ٹیم نے پاکستان کا دورہ کیا۔

ڈاکٹرڈونلڈکی سربراہی میں ٹیم  نے کلینیکل امتحانات کاانعقاد کیا۔ ایم آرسی پی پیسزکلینیکل امتحانات پاک ایمرٹس ملٹری اسپتال راولپنڈی میں ہوئے۔

3 روزہ امتحانات میں 45امیدواروں نےحصہ لیا۔

رائل کالج آف فزیشنز یوکے کے ذریعہ پاکستان میں قائم کیا جانے والا پہلا سینٹر ہے۔  پاکستان میں ’ایم آر سی پی پیکس سینٹر‘کھولنے کے لیے یہ 15 سال کا سفر ہے۔

https://www.bolnews.com/urdu/wp-content/uploads/2020/12/ISPR-Surgeon-General-of-Pakistan-Army-and-Royal-College-of-Physicians-UK.mp4?_=2

اب سے   ایم آر سی پی پیکس کلینیکل امتحان (یوکے) سال میں کم سے کم دو بار پاکستان میں منعقد ہوگا۔

برطانیہ سے آنے والے پینل آف امتحانات  میں ڈاکٹر ڈونلڈ فرخور ، پروفیسر چارلس ٹورٹ ، ڈاکٹر پیٹر نیومین ، ڈاکٹر تنظیم رضا اور ڈاکٹر روڈریک ہیری   پاکستان میں ٹیم کے ساتھ شامل ہوئے تھے۔

پاکستان میں ایم آر سی پی  کے پروفیسر عامر غفور خان لیڈ ایگزامینر ، پروفیسر عمران فضل ، پروفیسر خورشید محمد اتترا ، پروفیسر وسیم عالمگیر ، پروفیسر ظفر علی قریشی ، پروفیسر شازیہ نثار ، پروفیسر عظمت حیات ، ڈاکٹر عاصم یوسف ، ڈاکٹر محمد سلیم ، ڈاکٹر ہارون حافظ اور ڈاکٹر محسن سیف بھی شامل تھے۔

فیڈریشن انٹرنیشنل میڈیکل ڈائریکٹر برائے تشخیص   ڈاکٹر ڈونلڈ فرخور نے بتایا  کہ دنیا کے 36 ممالک میں 100 سے زیادہ مقامات پر ایم آر سی پی امتحانات دیے جاتے ہیں اور ہر سال 25 ہزار سے زیادہ ڈاکٹر امتحان دیتے ہیں۔

پاکستان میں اعلیٰ سطح کے ان طبی امتحانات کی آمد ڈاکٹروں کو یہ امتحان مقامی طور پر لینے کا موقع فراہم کرے گی۔