وزیراعلیٰ پنجاب عثمان بزدارنے کہاہے کہ جلسے کے حوالے سے تھریٹ الرٹس موجود ہیں،پی ڈی ایم والے عوام کی زندگیوں سے کھیلنا چھوڑدیں۔

وزیراعلیٰ پنجاب نے میڈیا سے گفتگو کرتے ہوئے کہاکہ کوروناصورتحال میں جلسے جلوس کرنامناسب نہیں، عالمی وبا کورونا کی صورتحال بھی سب کے سامنے ہے۔

وزیراعلیٰ پنجاب کا کہنا ہے کہ  دنیا میں کہیں جلسے جلوس نہیں ہورہے ، قانون کو اپنے ہاتھ میں کسی بھی صورت نہیں لینا چاہئے۔

انہوں نے کہا کہ جو بھی کام ہوگا قانون کے مطابق ہوگا،ہم قانون کے مطابق چلیں گے ۔

وزیراعلیٰ پنجاب نے کہاکہ کل بھی کورونا سے پنجاب میں 36 اموات ہوئیں، کسی قسم کااختلاف نہیں سب آن بورڈ ہیں ،ایسی کیاایمرجنسی ہے جو یہ جلسے کررہے ہیں ،کیا مناسب ہے جو یہ کام کرنے جارہے ہیں ۔