عالمی وبا کورونا وائرس کے باعث پاکستان میں مزید 62 افراد جاں بحق ہوگئے اور مرنے والوں کی مجموعی تعداد 9 ہزار 392 تک پہنچ چکی ہے۔

نیشنل کمانڈ اینڈ آپریشن سینٹر(ین سی او سی) کے مطابق ملک میں ایک ہزار 792 نئے کیسز رپورٹ ہوئے اور مجموعی تعداد 4 لاکھ 58 ہزار 968 تک جاپہنچی ہے۔

ملک میں عالمی وبا کورونا وائرس کے 4 لاکھ 9 ہزار 85 مریض صحتیاب ہو چکے ہیں جبکہ 40 ہزار 491 زیر علاج ہیں۔

مہل وائرس کے باعث ملک میں سب سے زیادہ اموات پنجاب میں ہوئی ہیں جہاں 3 ہزار 638 افراد جان کی بازی ہار چکے ہیں جبکہ سندھ میں 3 ہزار 333، خیبر پختونخوا میں ایک ہزار 546، اسلام آباد میں 391، گلگت بلتستان میں 99، بلوچستان میں 179 اور آزاد کشمیر میں 206 افراد جان کی بازی ہار چکے ہیں۔

اسلام آباد میں کورونا کیسزکی تعداد 36 ہزار 257، خیبر پختونخوا میں 55 ہزار 183، سندھ میں 2 لاکھ 4 ہزار 840، پنجاب میں ایک لاکھ 31 ہزار 933، بلوچستان میں 17 ہزار 926، آزاد کشمیر میں 8 ہزار 2 اور گلگت بلتستان میں 4 ہزار 827 افراد کورونا سے متاثر ہوچکے ہیں۔