وفاقی وزیر داخلہ شیخ رشید دو روزہ دورے پر پشاور روانہ ہوگئے۔

تفصیلات کے مطابق دورے کے دوران اہم ملاقاتیں متوقع ہیں، شیخ رشید لنڈی کوتل کا دورہ کریں گے جبکہ اُنہیں بارڈر منیجمنٹ اوراینٹی اسمگلنگ سمیت دیگر امور پر بریفنگ دی جائے گی۔

وزیرداخلہ شیخ رشید ایف سی ہیڈ کوارٹر کا بھی دورہ کریں گے جہاں وہ  کمانڈنٹ اور آئی جی ایف سی سے ملاقاتیں کریں گے۔
 شیخ رشید طورخم بارڈر ٹرمینل کا بھی دورہ کریں گے جبکہ وہ کل پشاور میں پریس کانفرنس بھی کریں گے۔

خیال رہے کہ وزیرداخلہ کا چارج سنبھالنےکے بعد شیخ رشید کا یہ پہلا دورہ پشاور ہے۔