پاکستان نژاد برطانوی گلوکار زین ملک کی اہلیہ جیجی حدید نے پاکستانی آرٹسٹ کی مدد کردی۔

تفصیلات کے مطابق پاکستانی آرٹسٹ میشا جاپان والا نے سوشل میڈیا صارفین کو بتادیا کہ عالمی وبا کے اس مشکل ترین دور میں فلسطینی نژاد امریکی سُپر ماڈل جیجی حدید نے اُن کی مدد کیسے کی تھی۔

مزید پڑھیں

جی جی حدید اور زین ملک کے یہاں بیٹی کی پیدائش

برطانوی گلوکار زین ملک اور فلسطینی نژاد امریکی سپر ماڈل جیجی حدید...

نیویارک میں مقیم پاکستانی آرٹسٹ میشا جاپان والا نے انسٹاگرام پر سوال و جواب کے سیشن میں مداحوں کو بتایا کہ کیسے جیجی حدید نے کورونا وائرس کے اس دور میں اُن کی مدد کی تھی۔

اس حوالے سے میشا جاپان والا نے بتایا کہ ’جب وبائی مرض کورونا وائرس کا پھیلاؤ شروع ہوا تو اٰسی دوران میں فیشن انڈسٹری میں اپنی ملازمت سے محروم ہوگئی تھی۔‘

انہوں نے بتایا کہ ’اس کے بعد جیجی حدید نے مجھ سے رابطہ کیا اور مجھے نئی ملازمت دے کر میری مشکل آسان کی۔‘

میشا جاپان والا نے مزید بتایا کہ ’جیجی حدید میری زندگی میں اللّہ کی ایک خاص نعمت بن کر آئیں جس کے لیے میں ہمیشہ اُن کی احسان مند رہوں گی۔‘

دوسری جانب جیجی حدید نے بھی میشا جاپان والا کی انسٹا اسٹوری اپنی انسٹاگرام اسٹوری میں شیئر کی۔

واضح رہے کہ میشا جاپان والا نے جیجی حدید  کے ’جیجی جرنل پارٹ II’میں اُن کے ساتھ کام کیا تھا جس میں پاکستانی آرٹسٹ کے کام کے علاوہ دُنیا بھر کے دیگر فنکاروں کا کام بھی شامل تھا۔