پیپلزپارٹی کی مرکزی سیکرٹری اطلاعات ڈاکٹر نفیسہ شاہ نے کہا ہے کہ پٹرول قیمتوں اضافہ ظالمانہ اقدام ہے۔

تفصیلات کے مطابق پیپلزپارٹی کی مرکزی سیکرٹری اطلاعات ڈاکٹر نفیسہ شاہ نے سلیکٹڈ وزیراعظم کی اے ٹی ایم مشین عوام کے جیب کاٹ رہے ہے ہیں۔

ڈاکٹر نفیسہ شاہ نے کہا کہ قوم کو بتایا جائے کہ ندیم بابر نامی کون گوہر نایاب ہے جبکہ سلیکٹڈ وزیراعظم اور غیر منتخب مشیر عوام پر عذاب ہیں۔

پیپلزپارٹی کی مرکزی سیکرٹری اطلاعات ڈاکٹر نفیسہ شاہ نے مزید کہا کہ بجلی ،گیس اور پٹرول کی قیمتوں میں اضافہ مہنگائی کا طوفان لائے گا۔

اس سے قبل حکومت نے پیٹرولیم مصنوعات کی نئی قیمتوں میں 3 روپے فی لیٹر اضافہ کا اعلان کردیا۔

نوٹیفکیشن کے مطابق ہائی اسپیڈ ڈیزل کی قیمت میں تین روپے ایک پیسے کا اضافہ ہوا ہے جبکہ مٹی کا تیل 5 روپے فی لیٹر مہنگا کردیا گیا ہے اور لائٹ ڈیزل کی قیمت میں بھی 5 روپے فی لیٹر اضافہ کیا گیا ہے۔

نئی قیمتوں کے بعد پیٹرول کی قیمت 103 روپے 69 پیسہ فی لیٹر ہوگئی ہے جبکہ ہائی اسپیڈ ڈیزل کی قیمت 108روپے 44پیسہ فی لیٹر ہوگئی ہے۔