امریکا میں عالمی وبا کورونا ویکسین کا استعمال آج سے شروع کیا جارہا ہے۔

تفصیلات کے مطابق گزشتہ ہفتے ہر ایک گھنٹے میں کورونا سے 100 اموات پر ایف ڈی اے نے ویکسین کے ہنگامی استعمال کی منظوری دی تھی۔

امریکی میڈیا کا کہناہے کہ فائزر کی تیار کردہ کوویڈ19 ویکسین لگانے کا عمل آج سے شروع ہوگا، ابتدائی طور پر یہ ویکسین وائٹ ہاؤس کے عملے کو لگائی جائے گی جس کے بعد مرحلہ وار عوام کو بڑے پیمانے پر لگائی جائے گی۔

دوسری جانب امریکا نے ماڈرنا کی کورونا ویکسین کے بھی 200 ملین خوراکوں کے آرڈر دے رکھے ہیں جن میں سے 100 ملین خوراکیں رواں ماہ ہی فراہم کی جائیں گی۔

امریکی میڈیا کا کہنا ہے کہ گزشتہ ہفتے ہر ایک گھنٹے میں کورونا سے 100 اموات پر ایف ڈی اے نے ویکسین کے ہنگامی استعمال کی منظوری دی تھی۔

خیال رہے کہ فائزرویکسین کے استعمال کی سب سے پہلے منظوری برطانیہ نے دی تھی اور برطانیہ میں ویکسین کی پہلی خوراک مریضوں اور عمر رسیدہ افراد کو دی جا چکی ہے۔

امریکی صدر کا کہنا تھا کہ کورونا ویکسین کی پہلی خوراک اگلے 24 گھنٹے سے کم وقت میں دی جائے گی۔