پاکستان سپر لیگ  (پی ایس ایل) کے فینز کے لیے بڑی خبر سامنے آگئی۔

ذرائع کے مطابق پی ایس ایل کا آفیشل گانا آئندہ ہفتے ریلیز کیا جائے گا۔

‏ کورونا کے باعث آفیشل گانے کی باضابطہ تقریب کا فیصلہ نہ ہوسکا۔

پی ایس ایل کے گانے کے لیے نصیبولعل اور آئمہ بیگ نے آواز کا جادو جگایا ہے، جبکہ چھٹے ایڈیشن کے گانے میں اسٹنرز بوائز نے بھی گائیکی کی ہے۔

ذرائع کے مطابق پی ایس ایل کا آفیشل گانا ٹی وی چینلز اور سوشل میڈیا سے ریلیز کرنے کا پلان تیار کیا گیا ہے۔

واضح رہےکہ پاکستان کرکٹ بورڈ (پی سی بی )  پی ایس ایل کے چھٹے ایڈیشن میں  شائقین کو میدان میں بلانے کا خواہاں ہے۔

اس حوالے سے پاکستان کرکٹ بورڈ نے وفاقی ، سندھ  اور پنجاب حکومتوں سے رابطہ کیا ہے۔

پی سی بی نے وفاقی و متعلقہ صوبائی حکومتوں کو پی ایس ایل کے ہر میچ  میں 12 سے 14 ہزار شائقین کی آمد کا پلان بھیجا ہے۔

یاد رہےکہ  کورونا وائرس کے باعث دنیا بھر میں کھیلوں کی سرگرمیاں متاثر ہیں اور اکثر ممالک میں کھیل کے میدانوں میں  تماشائیوں  کو جانے کی اجازت نہیں ہے۔