پاکستان شوبز انڈسٹری کی گلوکارہ حدیقہ کیانی نے قوالی میں انٹری لے لی ہے۔

 تفصیلات کے مطابق گلوکارہ حدیقہ کیانی نے قوالی گاکر اپنی صلاحیتوں کو منوایا ہے اور وہ اس میں بھی مداحوں کو متاثر کرنے میں کامیاب ہوئی ہیں۔

یاد رہے کہ گلوکارہ حدیقہ کیانی نہ صرف پاپ سنگر ہیں بلکہ غیر ملکی زبانوں میں بھی اپنی آواز کا جادو جگاچکی ہیں بلکہ وہ ایک پاکستانی ڈرامے میں اداکاری بھی کررہی ہیں۔

مزید پڑھیں

حدیقہ کیانی بڑی مشکل میں پھنس گئیں،2 کروڑ روپے ہرجانے کا دعویٰ

حدیقہ کیانی کے بیوٹی سیلون کی مقامی فرنچائز کو موردالزام ٹہراتے ہوئے...

حدیقہ کیانی نے ‘جانے اس دِل’ قوالی گائی ہے جسے آج (25 جنوری کو) کو صوفی اسکور کے یوٹیوب چینل پر ریلیز کیا گیا ہے۔

یاد رہے کہ اس گانے کی موسیقی نامور طبلہ نواز استاد دلدار حسین نے ترتیب دی ہے جسے ساتھ میں زوہیب حسن نے سارنگی اور عرفان کیانی نے ہارمونیم پر پیش کیا ہے۔

جبکہ 8 منٹ 32 سیکنڈ کے دورانیے پر مشتمل اس قوالی کی ہدایات عبداللہ حارث نے دی ہیں جسے میاں یوسف صلاح الدین نے پروڈیوس کیا ہے۔

اس حوالے سے حدیقہ کیانی نے کہا کہ چند ماہ قبل مجھے، لگ بھگ 3 دہائیوں کے عرصے تک استاد نصرت فتح علی خان کے لیے دھن ترتیب دینے والے استاد دلدار حسین کے ساتھ کام کرنے کا اعزاز حاصل ہوا تھا۔

انہوں نے کہا کہ انہی طبلہ لیجنڈ نے اس خوبصورت کو قوالی کو میرے لیے غزل کے انداز میں ترتیب دیا۔

حدیقہ کیانی کا کہنا تھا کہ اسے گانا میری زندگی کے بڑے اعزازات میں سے ایک ہے اور میں اسے آخر کار دنیا سے شیئر کرنے بہت زیادہ خوش ہوں۔

دوسری جانب اپنی پہلی قوالی کی ویڈیو میں حدیقہ کیانی نے ڈیزائنر محسن نوید رانجھا میر کا تیار کردہ لباس اور ہما عدنان کی جیولری پہنی ہے۔

حدیقہ کیانی نے کہا کہ ‘میں بچپن سے قوالی سنتی آرہی ہوں اور میں قوالی کو کئی گھنٹوں تک سن سکتی ہوں’۔

انہوں نے کہا کہ اپنے پورے کیریئر میں، میں نے قوالی اس طرح سے نہیں، مجھے استاد دلدار حسین کے ساتھ کام کرنے کا موقع ملا تو میں نے اس موقع کو غنیمت جان کر اس کا فائدہ اٹھایا۔

حدیقہ کیانی کا کہنا تھا کہ یہ میرے لیے بہت اعزاز کی بات کہ میں نے استاد دلدار حسین کے ساتھ کام کیا، میرا خواب پورا ہونے جارہا تھا اور یہ ایک چیلنج بھی تھا

انہوں نے مزید کہا کہ پہلی مرتبہ قوالی گاتے ہوئے مجھے تھوڑی بہت بے چینی بھی ہوئی لیکن مجھے استاد دلدار حسین نے بہت اعتماد دیا اور بہت سپورٹ کیا

واضح رہے کہ حدیقہ کیانی نے کہا کہ یہ میرے لیے ایک روحانی تجربہ تھا، اور یہ میرے مداحوں کے لیے ایک تحفہ ہوگا ۔