پاکستان پیپلزپارٹی کے چئیرمین  بلاول بھٹو زرداری کا کہنا ہے کہ عوام ناجائز حکمرانوں کو آج سے نہیں 60 سال سے بھگت رہے ہیں،  پیپلز پارٹی نے جوبھی وعدہ کیا اسے پورا بھی کیا ہے۔

تفصیلات کے مطابق ملاکنڈ میں جلسہ سے خطاب کرتے ہوئے بلاول بھٹوزرداری نے کہا کہ    ذوالفقار علی بھٹو نے ایف سی آر کے خاتمے کا وعدہ کیا تھا اور پورا کرکے دکھایا۔

انہوں نے کہا کہ ملاکنڈ کے ہر شہری کا ایک ہی مطالبہ ہے، سیلیکٹڈ چلا جائے،  یہ تبدیلی والے سارے دھوکے باز ہیں۔

بلاول بھٹو زرداری نے کہا کہ ملاکنڈ کے عوام نے دہشتگردوں کو ہماری سرزمین سے بھگایا، ہمیں یاد ہے کون آپ کے ساتھ کھڑے تھے اور کون دہشتگردوں کے ساتھ تھے۔

انہوں نے کہا کہ ہم مل کر کٹھ پتلی حکومت کا خاتمہ کریں گے اور ملک میں جمہوریت بحال کریں گے۔