عالمی وبا کورونا وائرس کے خطرے سے دوچار ایشیائی ملکوں کو جلد ایک اور ابھرتے ہوئے نپاہ وائرس کے خطرے کا سامنا کرنا پڑسکتا ہے جس میں مرنے والوں کی تعداد کہیں زیادہ ہوگی۔

خبر ایجنسی کے مطابق وائرس پر تحقیق کرنے والوں کا کہناہے کہ اگر کورونا وائرس کی وبا سے سبق نہیں سیکھا گیا تو نپاہ وائرس میں بہت سے لوگوں کو متاثر کرنے کی صلاحیت موجود ہے اور اس وائرس کی وجہ سے اموات کی شرح 75 فیصد تک ہوگی۔

نپاہ وائرس سارس کووڈ ٹو کی طرح چمگادڑوں سے شروع ہوتا ہے، مہلک وائرس نے پچھلے 20 سالوں میں ملائیشیا، سنگاپور، بھارت اور شمالی آسٹریلیا میں اس وبا کا پھیلاؤ دیکھا ہے۔

محقیقین کاکہناہے کہ مہلک وائرس سے نمٹنے کیلئے ایسی کوئی ویکسین موجود نہیں ہے جو خاص طور پر نپاہ وائرس کے انفیکشن کو نشانہ بناسکتی ہو۔