لوبیا ایک بہترین اور طاقتور غذا ہے لیکن کیا کوئی اس کے استعمال کے فوئد سے واقف ہے۔

تفصیلات کے مطابق پروٹین، فائبر، فولیٹ، میگنیشیم، پوٹاشیم اور دیگر اہم غذائی اجزاء سے بھرپور ’لال لوبیا‘ کو غریبوں کا گوشت کہا جاتا ہے۔

مزید پڑھیں

خاتون کو آن لائن جینز آرڈر کرنے کے بعد ایسا کیا موصول ہوا کہ سب سر پکڑ کر بیٹھ گئے؟ جانئیے

ایک خاتون نے برطانوی سیکنڈ ہینڈ فیشن سائٹ پر جینزآرڈر کی مگر...

کیا آپ ابلے ہوئے انڈوں کے پانی کے فوائد جانتے ہیں؟

کیا آپپ یہ جانتی ہیں کہ جوانڈہ ابالنے کے بعد پانی آپ...

لال لوبیا کے بے شمار فوائد ہیں جس میں سے چند یہ ہیں:

فولیٹ (وٹامن بی9) اور فائبر سے بھرپور ہونے کی وجہ سے دل کی بیماریوں سے بچاتا ہے۔

اس میں موجود حل پذیر فائبر نظام ہضم کے راستوں میں جیل کا کام کرتا ہےجو کولیسٹرول کو جسم سے خارج کرنے میں مددگار رہتا ہے۔

اس کے علاوہ اپنی اینٹی آکسیڈنٹ خصوصیات کے باعث اینٹی ایجنگ صلاحیت کاحامل ہے۔

ماحولیاتی عوامل اور ناقص غذا سے پیدا ہونے والے صحت کے مسائل سے حفاظت کرتا ہے۔

سب سے ضروری یہ کہ وزن میں کمی کا ذریعہ ہے جسم میں فیٹ جمع ہونے نہیں دیتا۔

بلڈشوگر کی سطح کو مستحکم رکھنے میں مدد دیتا ہے۔

مردوں کے لیے بہترین طاقتور غذا ہے۔

آئرن کی کمی دور کرتا ہے۔

اس کے کھانے سے مسوڑھے مضبوط ہوتے ہیں۔

یہ مکمل پروٹین پر مبنی اور کولیسٹرول سے پاک غذا ہے، جو مجموعی صحت کی بہتری کے لیے بےحد ضروری ہے۔

لال لوبیا کے استعمال کے طریقے

لال لوبیا کو کئی طریقوں سے استعمال کیا جاسکتا ہے، اسے اچھی طرح دھو کر رات بھر بھگودیں پھر اسے اُبال کر اس سے مختلف ڈشز بنالیں۔

بچوں کو کھلانے کے لیے اسے مختلف طرح کے کٹلس میں شامل کرسکتے ہیں۔

چھوٹے بچے پراٹھا شوق سے کھاتے ہیں، اسے آلو کے ساتھ میش کرکے اس کا پراٹھا بناکر بچوں کو کھلا سکتے ہیں۔

بڑوں کے لیے اسے اُبال کر چھوٹے چھوٹے پیکٹ بنا کر رکھ لیں، جب بھی سلاد بنائیں اس میں شامل کرلیں۔