یورپ سمیت دیگر ممالک سے برطانیہ آنے والوں کے لیے منفی کورونا وائرس کی ٹیسٹ رپورٹ آج سے لازمی قرار دے دی گئی۔

بین الاقوامی ذرائع ابلاغ کے مطابق نئی پابندیوں کے اطلاق سے برطانیہ جانے والوں کو شدید مشکلات کا سامنا ہے۔

برطانوی وزیراعظم کا کہنا ہے کہ ابھی لاک ڈاؤن میں نرمی کا وقت نہیں آیا، پیر سے برطانیہ آنے والوں کو کورونا کا منفی نتیجہ فراہم کرنا ہو گا۔

دوسری جانب گزشتہ روز تک برطانیہ میں35 لاکھ سے زائد افراد کو کورونا ویکسین لگائی جاچکی ہے ۔

واضح رہےکہ برطانیہ میں ہلاکتیں88000ہو گئیں ،کیسزکی تعداد33لاکھ57ہزار سے بڑھ گئی۔

اسکاٹ لینڈ میں کورونا پر قابو پانے کے لیے پابندیاں مزید سخت کر دی گئیں۔