سبکدوش ہونے والے امریکی صدر ڈونلڈ ٹرمپ نے کہا ہے کہ چارسال بہترین تھے سب کا شکریہ ادا کرتا ہوں۔

تفصیلات کے مطابق امریکی صدر ڈونلڈ ٹرمپ وائٹ ہاوٗس سے روانہ ہو کر جوائنٹ ایئبیس اینڈریوز پہنچے جہاں انھوں نے حامیوں سے الودائی خطاب کیا۔

سبکدوش ہونے والے امریکی صدر ڈونلڈ ٹرمپ نے الوداعی خطاب کرتے ہوئے کہا کہ ہم نے اپنے دور میں جو کچھ کیا بہت اچھا کیا، ہم روایتی حکمران نہیں تھے۔

صدر ٹرمپ نے حامیوں سے الوداعی خطاب میں اپنی اہلیہ میلانیا ٹرمپ کی بھی تعریف کی۔

ڈونلڈ ٹرمپ نے کہا کہ ہم نے امریکی فوج کی تشکیل نو کی، ہم نے نئی خلائی فورس بنائی اور ہم نے اپنے سابق فوجیوں کا ہرطرح سے خیال رکھا۔

امریکی صدر ڈونلڈ ٹرمپ نے مزید کہا کہ ہم بڑی۹ تعداد میں ملازمتیں پیدا کرنے میں کامیاب ہوئے جبکہ ہم نے کورونا ویکسین بھی 9 ماہ میں تیار کی۔

اس موقع پر میلنیا ٹرم نے کہا کہ امریکا کی خاتون اول ہونا اعزاز کی بات تھی۔