معاون خصوصی وزیر اعلی پنجاب ڈاکٹر فردوس عاشق اعوان نے کہا ہے کہ ہماری کسی سے ذاتی دشمنی نہیں ہر میگا سکینڈل میں ظل سبحانی کے کارندے نظر آتے ہیں۔

تفصیلات کے مطابق سیالکوٹ میں معاون خصوصی وزیر اعلی پنجاب ڈاکٹر فردوس عاشق اعوان نےمیڈیا سے گفتگو کرتے ہوئے کہا ہے کہ اس قوم کے اربوں روپے لوٹے ہیں پی ڈی ایم کے گٹھ جوڑ میں ایک چہرہ بھی ایسا نظر نہیں آۓ گا جس نے عوامی وسائل پر نقب زنی نہ کی ہو۔

ڈاکٹر فردوس عاشق اعوان نے کہا کہ لاہور میں لینڈ مافیا کے خلاف گرینڈ آپریشن کیا گیا ہے، وزیر اعظم کی خصوصی ہدایت تھی عوامی سپورٹ کے ساتھ قبضہ مافیا کے خلاف کارروائی کی جائے اور سیاسی دباؤ سے بالاتر ہو کر پنجاب میں سرکاری اراضی کو قبضہ مافیا سے واگزار کروایا جائے۔

معاون خصوصی وزیر اعلی پنجاب کا کہنا تھا کہ محکمہ انٹی کرپشن پنجاب نے 181 ارب مالیت کی ہزاروں ایکڑ اراضی واہگزار کروائی گئی ہےاورپنجاب کا شاہی خاندان ان قبضہ مافیا کی پشت پناہی کرتا رہاہے۔

 ڈاکٹر فردوس عاشق اعوان کا یہ بھی کہنا تھا کہ پچاس ایسے افراد ہیں جنیوں نے ریاست کی پراپرٹی کو گدھ بن کر نوچا ان پچاس افراد میں ایسے افراد بھی شامل ہیں جو عوامی مسائل کے حل کے لئے ٹی وی سکرین پر مگرمچھ کے آنسو روتے ہیں ان میں جاوید لطیف اور خرم دستگیر کے والد فہرست ہیں۔

 معاون خصوصی وزیر اعلی پنجاب ڈاکٹر فردوس عاشق اعوان کا مزید کہنا تھا کہ کھوکھر برادران پچاس پچاس لاکھ روپے کے پرس راجکمہاری کو گفٹ کیا کرتے تھے38 کینال اراضی ان قبضہ مافیا سے واہگزار کارروائی کی گئی ہے جبکہ سیالکوٹی ٹھگ نے 62 کینال کی اراضی ہتھائی یہ زمین پارک کے نام پرلی گئی جسے کینٹ ہاوسنگ سوسائیٹی میں شامل کیا ، اس اراضی کو اپنی بیگم اور بیٹے اسد کے نام کروائا اوراس اراضی سے اربوں روپے کمائے گے۔