عالمی وبا کورونا وائرس نے 24 گھنٹوں کے دوران مزید 46 زندگیاں نگل لیں۔

تفصیلات کے مطابق نیشنل کمانڈ اینڈ آپریشن سینٹر کے تازہ ترین اعدادوشمار کے مطابق کورونا وائرس کے باعث اموات کی تعداد 10 ہزار 818 ہوگئی۔ پاکستان میں کورونا کے تصدیق شدہ کیسز کی تعداد 5 لاکھ 11 ہزار 921 ہوگئی۔

گذشتہ 24 گھنٹوں کے دوران 3 ہزار 97 نئے کیسز رپورٹ ہوئے، پنجاب میں ایک لاکھ 47 ہزار 292، سندھ میں 2 لاکھ 30 ہزار 718، خیبر پختونخوا میں 62 ہزار 377، بلوچستان میں 18 ہزار 488، گلگت بلتستان میں 4 ہزار 882، اسلام آباد میں 39 ہزار 624 جبکہ آزاد کشمیر میں 8 ہزار 540 کیسز رپورٹ ہوئے۔

ملک بھر میں اب تک 72 لاکھ 43 ہزار 650 افراد کے ٹیسٹ کئے گئے، گذشتہ 24 گھنٹوں کے دوران 41 ہزار 574 نئے ٹیسٹ کئے گئے، اب تک 4 لاکھ 67 ہزار 234 مریض صحتیاب ہوچکے ہیں جبکہ 2 ہزار 410 مریضوں کی حالت تشویشناک ہے۔