مالٹا عام طور پر سردیوں کے موسم میں دستیاب ہوتا ہے جس کے جوس میں  آپ کے جسم کو صحت و تندرست بنانے کےلئے کئی جا دوئی فوائد مو جو دہیں۔

ایک بین الاقوامی شہرت کے حامل  میگزین میں شائع ہونے والی تحقیق میں مالٹا اور اس کے جوس کے جادوئی فوائد پر روشنی ڈالی گئی ہے۔

مالٹے اور اس کا جوس وٹامن سی کی بڑی مقدار رکھتا ہے، جو انسانی جسم میں آئرن کی اضافی پیداوار کو روکتے اور خون کی گردش سمیت تیزی میں بھی اہم کردار ادا کرتے ہیں۔

مالٹے میں وٹامن سی کے علاوہ وٹامن اے کی بھی بڑی مقدار ہوتی ہے، جبکہ دیگر کئی اجزا جیسے میگنیشم، تانبا، پوٹاشیم، کلورین اورسوڈیم بھی پائے جاتے ہیں جو انسانی صحت کے لیے بہت مفید ہیں۔

تحقیق میں کہا گیا ہے کہ مالٹے کا جوس روزانہ ایک گلاس پینے سے ڈیمنشیا جیسی بیماری سے شفا حاصل ہوسکتا ہے اور اس کے لاحق ہونے کے امکانات بھی کم ہوجاتے ہیں۔

مزید پڑھیں

کینو کا جوس کیسے آپ کو خوبصورت بناتا ہے، جانئیے

مدافعتی نظام کا ایک مضبوط نظام ہے جو آپ کے جسم کو...

مخصوص افراد پر مشاہدے سے پتا چلا کہ اس پھل کے جوس سے ڈیمینشیا کا خطرہ 74 فیصد تک کم ہوجائے گا۔

برطانیہ کے یونیورسٹی آف ریڈنگ میں ہونے والی تحقیق میں انکشاف کیا گیا کہ مالٹے کے جوس کا روزانہ استعمال حافظہ مضبوط کرتا ہے جس سے یاداشت تیز ہوتی ہے۔

مالٹے کے جوس میں موجود کیمیکلز خون کی گردش کو بہتر بناتے ہیں اور تناؤ کے نتیجے میں ہونے والے عمل آکسیکٹو سے اعصابی خلیوں کی حفاظت کرتے ہیں۔

فن لینڈ میں پبلک ہیلتھ ریسرچ انسٹی ٹیوٹ کے محققین کا کہنا ہے کہ مالٹے کا جوس دل اور خون سے متعلق مسائل کو روکتا ہے، روزانہ کی بنیاد پر آدھ گلاس مالٹے کا جوس پینا دل کی صحت کے لیے مفید ہے اور بیماریوں سے حفاظت کرتا ہے کیوں کہ اس میں کیلشیم، پوٹاشیم اور فولیٹ کی بھرپور مقدار ہوتی ہے۔

جوس انسانی جسم میں حفاظتی اثرات پیدا کرتا ہے، اور یہ سب سے طاقتور اینٹی آکسیڈینٹ ہے جو جسم سے ٹاکسن فلٹر کرتا ہے اور نقصان دہ ذرات سے نجات دلاتا ہے۔

امریکی جریدے سٹروک میں شائع ہونے والی تحقیق کے مطابق کھانے پینے والی اجناس میں وٹامن سی نہ ہونے کی وجہ سے فالج کے مسائل پیدا ہوتے ہیں، وٹامن سی کی کم مقدار والے لوگوں میں فالج کا خطرہ دو گنا سے بھی زیادہ ہوتا ہے۔،لہٰذا انہیں روزانہ دو گلاس مالٹے کا جوس پینا چاہیے۔

مالٹے کے جوس میں دائمی بدہضمی کا علاج بھی موجود ہے، مالٹے کا جوس قبض کو کم کرنے میں بھی مدد دیتا ہے جو عمل انہضام میں کمزوری یا بدہضمی کی وجہ سے ہوتی ہے۔

ماہرین کا مشورہ ہے کہ وہ افراد جو بدہضمی کا شکار ہیں وہ سونے سے پہلے ایک گلاس مالٹے کا جوس پیئیں۔

مالٹے کا جوس 12 سے زیادہ مختلف بیماریوں کا علاج کرتا ہے اور مدافعتی نظام کو تقویت دیتا ہے، اس پھل کے جوس کے ذریعے انسانی خون میں کولیسٹرول کم ہوجاتا ہے جو قوت مدافعت کے لیے ضروری ہے۔

ماہرین نفسیات کے مشاہدے کے مطابق مالٹے کے جوس کے علاوہ اس کی خوشبو مریضوں کے اعصاب کو پرسکون رکھتی ہے، لہذا لوگوں کو روزانہ کی بنیاد پر اس جادوئی پھل کو استعمال ضرور کرنا چاہیے۔