لاہور ہائیکورٹ کی جانب سے چوہدری برادران کیلئے دائر کی جانے والی درخواستیں غیر موثر ہونے پر نمٹا دیں گئیں ہیں۔

تفصیلات کے مطابق جسٹس صداقت علی خان کی سربراہی میں دو رکنی بنچ چودھری پرویز الہی اور چودھری شجاعت حسین کی درخواستوں پر سماعت کی جس میں ڈی جی نیب شہزاد سلیم رپورٹ سمیت عدالت پیش ہوئے۔

تاہم اسپیکر پنجاب اسمبلی چودھری پرویز الہی اور چودھری شجاعت حسین کی طرف دسے امجد پرویز ایڈووکیٹ کے پیش ہوئے۔

اس ضمن میں ڈی جی نیب شہزاد سلیم نے کہا ہے کہ چوہدری شجاعت اور چوہدری پرویز الٰہی سمیت خاندان کے دیگر افراد کیخلاف انکوائری بند کردی گئی ہے۔

دوسری جانب درخواست گزارنے موقف اپنایا ہے کہ چیئرمین نیب کو 20 سال پرانی اوربند ہونیوالی انکوائری دوبارہ کھولنے کا اختیار نہیں ہے جبکہ نیب کے کردار اور تحقیقات کے غلط انداز پرعدالتیں پہلے بھی فیصلے بهی دے چکی ہیں۔

درخواست گزار نے کہا ہے کہ چوہدری پرویز الہی کیخلاف بطور وزیر بلدیات کرپشن کے الزامات عائد کیے گئے مگر کوئی ٹھوس شواہد نہ ملے تاہم چوہدری برادران کیخلاف انکوائری کو انویسٹی گیشن میں اپ گریڈ کرنا غیرقانونی ہے۔