لاہور کے نئے سی سی پی او غلام محمود ڈوگر نے عہدہ سنبھال لیا۔

تفصیلات کے مطابق غلام محمود ڈوگر کوعمر شیخ کہ جگہ سی سی پی او لاہور تعینات کیا گیا ہے۔

پولیس کے جوانوں نے دفتر پہنچنے پر نئے سی سی پی او غلام محمود ڈوگر کو سلامی پیش کی۔

خیال رہے کہ عمر شیخ کو سی سی پی او لاہور کے عہدے سے گزشتہ روز ہٹا گیا تھاجس کا نوٹیفکیشن بھی کل ہی جاری کر دیا گیا تھا۔

عمر شیخ کو ڈپٹی کمانڈنٹ پنجاب کانسٹیبلری تعینات کیا گیا ہے۔

واضح رہے کہ عمر شیخ اپنی تقرری کے فوری بعد ہی آئی جی پنجاب کے خلاف بیانات اور موٹر وے زیادتی کیس میں بیان بازی سے متنازع ہوئے۔

وزیرِ اعلیٰ آفس میں معذور شخص کو سیکیورٹی اسکواڈ میں شامل کرنے پر بھی وزیرِاعلیٰ پنجاب عثمان بزدار ان سے ناراض تھے۔