جمیعت علمائے اسلام (ف) کے رہنماعبدالغفور حیدری نے کہا ہے کہ ہم ٹکڑے ٹکڑے ہوجا لیکن نیب کے سامنے کسی بھی صورت  پیش نہیں ہونگے، مولانا فضل الرحمان کی زندگی کھلی کتاب ہے۔

تفصیلات کے مطابق صادق سنجرانی کی زیر صدارت ہونے والے سینیٹ کے اجلاس میں مولاناعبدالغفور حیدری نے اظہار خیال کرتے ہوئے کہا احتساب کے نام پر ملک میں انتقام کا سلسلہ شروع ہو گیا ہے، روز اول سے کہہ رہے ہیں یہ ادارہ احتساب نہیں انتقام کے لیے ہے۔

انہوں نے کہا کہ نیب نے بغیر ثبوت کے سیاستدانوں کی پگڑیاں اچھالی ہیں۔ پانامہ کے ڈرامے سے بات اقامہ پر ختم ہوئی۔ اقامہ بھی کوئی جرم ہوتا ہے؟

انہوں نے کہا نوازشریف وہاں کاروبار کرتے تھے اس لیے ان کے پاس اقامہ تھا۔ آصف زرادری صدر رہے ہیں ان کو گرفتار کیا گیا۔