پیپلزپارٹی کی مرکزی سیکریٹری اطلاعات شازیہ مری نے کہا ہے کہ عمران خان عوام کی جیب پر ڈاکے پر ڈاکہ ڈال رہے ہیں۔

تفصیلات کے مطابق پیپلزپارٹی کی مرکزی سیکریٹری اطلاعات شازیہ مری  نے بجلی قیمتوں میں اضافے پر ردعمل دیتے ہوئے کہا کہ بجلی کی قیمتوں میں اضافہ مسترد کرتے ہیں۔

پیپلزپارٹی کی مرکزی سیکریٹری اطلاعات نے کہا کہ بے حس وفاقی حکومت نے ایک بار پھر عوام پر بجلی گرادی مگر کوئی ملال نہیں ، بجلی قیمتوں میں اضافہ کر کے عمران خان اپنا اللو سیدھا کر رہے ہیں۔

 شازیہ مری  نے یہ بھی کہا کہ نیازی سرکار نے مہینے میں تین مرتبہ تیل اور اب بجلی کی قیمت میں دو روپے تک کا اضافہ کردیا ہے۔

پیپلزپارٹی کی مرکزی سیکریٹری اطلاعات شازیہ مری  نے مزید کہا کہ وزراہ اور مشیر آئی ایم آیف کے ہر حکم کی تکمیل کر رہے ہیں، ادویات کی قیمتیں 600 فیصد بڑھا کر بھی یہ حکمران شرمندہ نہیں جبکہ گیس کی قیمتوں میں 1100 فیصد اضافہ کر بھی عمران خان کو سکون نہیں۔