لیاری گینگ وار کے ملزم عزیر بلوچ کو مزید دو مقدمات میں بری کردیا گیا۔

کراچی میں ایڈیشنل ڈسٹرکٹ اینڈ سیشن جج نے عزیر بلوچ کو عدم شواہد کی بناء پر قتل کے دو کیسز میں بری کر دیا۔

کمرہ عدالت میں سماعت کے دوران فاضل جج نے فیصلےسناتے ہوئے کہاکہ عزیر بلوچ کسی اور کیس میں نامزد نہ ہو تو فوری رہا کیا جائے۔

دوران سماعت پولیس نے موقف اختیار کیا کہ ملزم پر نامعلوم شہری کے قتل کا الزام تھا۔ ملزم کے خلاف 2004 میں  تھانہ بغدادی اور کلاکوٹ میں مقدمات درج کئے گئے۔

خیال رہے کہ لیاری گینگ وار کا سرغنہ عذیر بلوچ اب تک 8  مقدمات میں بری ہوچکا ہے۔