ڈرگ ریگولیٹری اتھارٹی آف پاکستان (ڈریپ) کی جانب سے عالمی وبا کورونا وائرس سے بچاوکی ویکسین سائینو فارم کے ہنگامی استعمال کی اجازت دے دی گئی ہے۔

ذرائع کے مطابق سائینوفارم نے بذریعہ این آئی ایچ اجازت نامے کیلئے درخواست دی تھی۔ جس کی اجازت ملنے پر ویکسین پاکستان میں استعمال کی جاسکے گی۔

سائینوفارم نے عالمی وبا سے بچاو کی ویکسین چینی حکومت کے اشتراک سے تیار کی ہے، جس کی کامیابی کا مجموعی تناسب 80 فیصد کے قریب ہے۔

کورونا وائرس کے سبب پاکستان میں مزید 46 افراد جان کی بازی ہار گئے ہیں اور مرنے والوں کی کل تعداد 10 ہزار 997 ہو گئی ہے۔