مسلم لیگی رہنما مریم نواز کی بیرون ملک جانے کی اجازت نہ مانگنے کے بیان کی حقیقت سامنے آگئی۔

ذرائع کے مطابق مسلم لیگ ن کی نا ئب صدرمریم نواز کا لندن جانے کےلیے ایک سینیر وفاقی وزیر سے مسلسل رابطوں کا انکشاف ہوا ہے۔

ذرائع کے مطابق سابق وزیراعظم نواز شریف کی صاحبزادی مریم نواز نے وفاقی وزیر سے درخواست کی ہے کہ میں اپنے والد کے پاس جانا چاہتی ہوں کوئی راستہ نکالیں۔

اس سلسلے میں مریم نواز نے موقف اختیار کیا ہے کہ میرے والد کی طبیعت ٹھیک نہیں ہے انھیں میری ضرورت ہے، سیاست تو بعد میں بھی ہوتی رہے گی والد کی زندگی اہم ہے۔

دوسری جانب حکومتی ذرائع کا کہنا ہے کہ مریم نواز نے ایک بار پھر بیرون ملک جانے کا عندیہ دیا ، شریف خاندان کی ہر بیماری کا علاج صرف بیرون ملک روانگی ہے ، اس بار جو بھی علاج ہو گا وہ پاکستان میں ہی ہوگا۔

واضح رہےکہ گزشتہ روز مسلم لیگ ن کی نائب صدر مریم نواز نے میڈیا سے گفتگو کرتے ہوئے کہا تھا کہ فیصلہ کیاہےای سی ایل سے نام نکالنے کیلئے حکومت کو درخواست نہیں دوں گی ، میں اس حکومت کوبالکل نہیں کہوں گی کہ میرانام ای سی ایل سے نکالیں۔