بھارت کی جانب سے مقبوضہ کشمیر کی جیلوں میں قید کیے جانے والے  حریت رہنماؤں کےخلاف  بے بنیاد الزامات لگانے کا سلسلہ رُک نہ سکا۔

کشمیر میڈیا سروس کے مطابق بھارتی جیل میں 3 سالوں سے قید خاتون حریت پسند رہنما  آسیہ اندرابی پر بھی بھارتی عدالت کی جانب سے فرد جرم عائد کردی گئی۔

بھارتی عدالت کی جانب سے حریت رہنما آسیہ اندرابی اور ان کی دو ساتھیوں صوفی فہمیدہ اور ناہیدہ نسرین پر بغاوت اور دہشت گردی کی وارداتوں سے متعلق سازش کرنے کا کا الزام عائد کیا گیا ہے۔

واضح رہے کہ آسیہ اندرابی کو  اپریل 2018 میں گرفتار کیا گیا تھا اور تب سے وہ بھارتی قید کاٹ رہی ہیں۔