برطانیہ سے  پاکستان آنے والوں کے لیے  پرائیویٹ کورونا  ٹیسٹ آج سے لازمی قرار دے دیا گیا ہے۔

ترجمان پی آئی اے بریڈفورڈ کے مطابق این ایچ ایس کووڈ 19 ٹیسٹ قابل قبول نہیں ہو گا لہذا ہر مسافر کے لیے ضروری ہے کہ وہ اپنا پرائیویٹ کورونا ٹیسٹ کروائے۔

دوسری جانب بر طانوی وزیراعظم بورس جانسن نے کہا کہ ویکسی نیشن جاری رکھنا ہوگی تاکہ کورونا کو پھیلنے سے روکا جا سکے۔

بورس جانسن نے کہا کہ امید ہے وائرس کی شرح کم ہوگی، لوگ گرما کی تعطیلات سے لطف اندوز ہوسکیں گے۔

انہوں نے مزید کہا کہ لاک ڈاؤن کی وجہ سے بچوں کی تعلیم کے ضیاع پر فکر مند ہوں۔ تعلیمی سرگرمیوں کو بحال کرنا اہم ترجیحات میں شامل ہے۔