کراچی کے علاقے قیوم آباد میں سی ٹی ڈی نے کارروائی کرتے ہوئے مبینہ دہشتگرد کو گرفتار کرلیا۔

تفصیلات کے مطابق ایس ایس پی سی ٹی ڈی عارف عزیز کا کہناہے کہ گرفتار مبینہ دہشتگرد کا تعلق علیحدگی پسند تنظیم سے ہے۔

 ایس ایس پی عارف عزیز کے مطابق گرفتار مبینہ دہشتگرد کا تعلق ایس آر اے کے اصغر شاہ گروپ سے ہے، ملزم کا گروہ رینجرز پر حالیہ حملوں میں ملوث رہا ہے۔

عارف عزیز نے بتایا کہ ملزم نے نیشنل آئل ریفائنری میں کام کرنے والے چائنیز انجینئرز کی ریکی بھی کی تھی، گرفتار مبینہ دہشتگرد اصغر شاہ کا قریبی ساتھی اور دہشتگردوں کو پناہ دینے میں بھی ملوث ہے۔