جمعیت علمائے اسلام (ف) کے سربراہ مولانا فضل الرحمان نے چئیرمین پیپلزپارٹی بلاول بھٹو سے ملاقات کی ہے، ملاقات کے دوران اہم سیاسی امور پر تبادلہ خیال کیا گیا۔

تفصیلات کے مطابق بلاول ہاوس میں ملاقات کے دوران مولانا فضل الرحمان اور بلاول بھٹو کے درمیان پی ڈی ایم موومنٹ، لانگ مارچ اور سینیٹ انتخابات سے متعلق مشاورت ہوئی۔

ذرائع کے مطابق مولانا فضل ارحمان کی سابق صدر اور شریک چئیرمین پیپلز پارٹی آصف زرداری کی اچانک طبیعت خرابی کے باعث ملاقات نہ ہوسکی۔

مولانا فضل الرحمان نے بلاول بھٹو کو بختاور بھٹو زرداری کی شادی کی بھی مبارکباد دی اور نئے جوڑے کو نئی زندگی کی ابتداء پر نیک خواہشات اور دعائیں دیں۔

اس موقع پر انہوں نے بختاور بھٹو کے لئے قرآن مجید، مصلہ تسبیح، عود عطر کا تحفہ بھی بلاول کے حوالے کیا۔