وزیراعظم عمران خان کی زیر صدارت وفاقی کابینہ کے اجلاس میں متبادل تنازعاتی حل ایکٹ کے تحت غیرجانبدرانہ پینل کی تعیناتی کی منظوری دے دی گئی ہے۔

تفصیلات کے مطابق وزیراعظم عمران خان کی زیر صدارت وفاقی کابینہ  کا اجلاس منعقد ہوا ہے جس میں کورونا کی تازہ صورتحال پر غور جبکہ کورونا کی تازہ صورتحال پر غور کیا گیا ہے۔

اجلاس کے دوران وزیراعظم نے آئی پی پیز اور دیگر متبادل تنازعاتی حل ایکٹ کے تحت غیرجانبدرانہ پینل کی تعیناتی کی منظوری دی ہے۔

دوران اجلاس کابینہ کی جانب سے وزیراعظم ایجوکیشن ریفارمز پروگرام کے تحت بسوں کی آپریشنل پالیسی کی منظوری دی گئی ہے جبکہ کابینہ نے ای سی سی کے 28 جنوری کے فیصلوں کی توثیق بھی کی گئی ہے۔

کابینہ نے سی پیک سے متعلق کمیٹہ کے26 جنوری کے فیصلوں سمیت کمیٹی برائے قانونی مقدمات کے 21 جنوری کے فیصلوں کی بھی توثیق کی ہے۔

علاوہ ازیں دوران اجلاس اے ایچ ایس انٹرنیشنل ائیر لائن کےلائسنس کی تجدید نو سمیت تاریخی یادگاروں کو محفوظ بنانے کےلئے انڈیا سے مخصوص پتھر منگوانے کی معاملہ موخر کیا  گیا ہے۔

اجلاس میں وزیراعظم عمران خان کا کہنا تھا کہ کورونا ابھی ختم نہیں ہوا احتیاط کی ضرورت ہے اور اسکے علاوہ ویکسین کے لیے ترجیحات متعین کردی ہیں جو کہ کسی بھی تفریق کے بغیر لگائی جائے گی۔

وزیراعظم نے وزرا کو پارلیمان میں حاضری یقینی بنانے کی ہدایت کرتے ہوئے کہا ہے کہپارلیمان کو مضبوط کریں جمہوریت مضبوط ہوگی اسی لئے تمام وزرا قومی اسمبلی و سینیٹ کے اجلاسوں میں شرکت کریں۔