وزیراعظم عمران خان نے کہاہے کہ پرجوش خیرمقدم اور پُرعنایت میزبانی پر میں سری لنکا کے وزیراعظم اور عوام کا شکرگزار ہوں۔

تفصیلات کے مطابق دو روزہ دورے پر سری لنکا میں مو جود وزیراعظم پاکستان عمران خان نے کہاکہ سری لنکا ایک خاص دوست اور مضبوط شراکت دار ہے،دونوں ممالک کے مابین تعاون پر مبنی تعلقات استحکام و افزائش کی راہ پر باوقار پیش قدمی جاری ہے۔

واضح رہےکہ عمران خان نے سری لنکا کے وزیراعظم مہندا راجاکی دعوت پردوروزہ دورہ کیا ، دورے کے دوران وزیراعظم عمران خان نے سری لنکن صدراورہم منصب سےملاقات کی، ملاقوں میں تجارت، سرمایہ کاری سمیت دیگرامور میں دو طرفہ تعاون پربات ہوئی جبکہ دونوں ممالک کے درمیان مختلف امورمیں مفاہمت کی یادداشتوں پر دستخط ہوئے۔

وزیر خارجہ شاہ محمود قریشی، عبدالرزاق داؤد اور معاون خصوصی ذوالفقار عباس بخاری بھی ان کے ہمراہ ہیں۔