معروف مذہبی اسکالر مولانا طارق جمیل نے کپڑوں کا برانڈ لانچ کرنے کی وجہ بتا دی۔

 تفصیلات کے مطابق گذشتہ کئی روز سے مولانا طارق جمیل کی کاروباری دنیا میں قدم رکھنے  کی خبریں سامنے آرہی تھیں اور کہا جارہا تھا کہ انہوں اپنے نام سے ایک برانڈ قائم کیا ہے۔

اس سلسلے میں سوشل میڈیا پر صارفین کی جانب سے یہ سوال پوچھا جانے لگا کہ ایم ٹی جے کے نام سے شروع کی جانے والی یہ کمپنی کس چیز کی ہوگی اور کیا اب اس کے ساتھ وہ اپنی دینی سرگرمیاں بھی جاری رکھیں گے یا نہیں۔

گذشتہ روز طارق جمیل نے وضاحت دیتے ہوئے ایک ویڈیو پیغام جاری کیا ہے جس میں ان کا کہنا تھا کہ وہ اپنی مذہبی سرگرمیوں خصوصاً مدرسے چلانے کے لیے کاروبار کرنے کا بہت عرصے سے سوچ رہے تھے تاہم اب کووڈ 19 کے باعث انھیں اپنی اس سوچ کو عملی جامہ پہنانے کا موقع ملا۔

Advertisement

Why Did I Launch MTJ Brand?#tariqjamil pic.twitter.com/LPVhwptHbT

— Tariq Jamil (@TariqJamilOFCL) February 21, 2021

مولانا طارق جمیل نے کہا کہ ’برصغیر میں علما کا کاروبار کرنا یا تجارت کرنا عیب سمجھا جاتا ہے۔ یہ بات پتا نہیں یہاں کہاں سے آ گئی ہے۔‘

سوشل میڈیا پر صارفین طارق جمیل کے اس فیصلے پر انھیں مبارکباد دے رہے ہیں اور ان کے لیے دعا گو ہیں۔