پاکستان شوبز انڈسڑی سے عارضی طور پرکنارہ کشی اختیار کرنے والے اداکار و میزبان حمزہ علی عباسی اور ان کی اہلیہ نیمل کی نئی تصویر انٹرنیٹ پر کا فی پسند کی جا رہی ہے۔

تفصیلات کے مطابق نیمل خاور نے فوٹو اینڈ ویڈیو شیئرنگ ایپ انسٹاگرام پر ایک تصویر پوسٹ کی ہے جس میں حمزہ علی عباسی بھی ساتھ موجود ہیں۔

تصویر میں دیکھا جاسکتا ہے کہ یہ خوبصورت جوڑی کُھلے آسمان تلے موسم سرما انجوائے کررہی ہے۔

 نیمل خاور قہوہ پی رہی ہیں جبکہ حمزہ علی عباسی گفتگو کرتے دکھائی دے رہے ہیں۔

واضح رہے کہ اسلام کی خاطر شوبز انڈسٹری سے عارضی طور پر کنارہ کشی اختیار کرنے والے  اداکار حمزہ علی عباسی نےگز شتہ سال ایک انٹرویو کے دوران بتایا تھا کہ وہ ایک کتاب لکھ رہے ہیں جو جلد منظر عام پر آجائے گی۔