ٹک ٹاک اسٹار جنت مرزا کیسا گھر چاہتی ہیں؟ سوشل میڈیا پر تصویر شئیر کردی۔

تفصیلات کے مطابق جنت مرزا نے اپنے خوابوں کے گھر کی تصویر انسٹاگرام اسٹوری میں شئیر کردی۔

ٹک ٹاک اسٹار نے انسٹا اسٹوری میں اپنی ایک دلکش ویڈیو بھی شیئر کی ہے۔ جس میں دیکھا جاسکتا ہے کہ وہ درخت پر بنے خوبصورت ’ٹری ہاؤس‘ میں موجود ہیں۔

ویڈیو شیئر کرتے ہوئے جنت مرزا نے کیپشن میں لکھا کہ ’یہ میرا خواب ہے کہ کسی جنگل میں میرا اپنا ایک ذاتی ٹری ہاؤس ہو۔‘

واضح رہے کہ پاکستان کے شہر فیصل آباد سے تعلق رکھنے والی ٹک ٹاک ماڈل جنت مرزا کو ٹک ٹاک پر 13 ملین سے زائد صارفین نے فالو کیا ہوا ہے۔

دوسری جانب اس وقت انسٹاگرام پر جنت مرزا کے ایک اعشاریہ 8 ملین یعنی 18 لاکھ فالوورز ہیں۔

بیس سالہ جنت مرزا پاکستان کے معروف صنعتی شہر فیصل آباد میں آرٹس کالج کی طالبہ ہیں جبکہ گزشتہ سال ہی وہ تعلیمی مقاصد کے لیے جاپان منتقل ہوئی تھیں تاہم وہ کچھ دن کے بعد پاکستان واپس آگئی تھیں۔