پاکستان کی جانب سے سعودی شہریوں کو ریلیف
سعودی شہریوں کے لیے پاکستان وزٹ،ٹرانزٹ اور سیاحتی ویزہ فیس ختم کرنے کا فیصلہ کرلیا گیا ہے۔
تفصیلات کے مطابق قونصل جنرل خالد مجید نے اپنے ایک بیان میں کہا کہ سعودی شہری بغیر وزٹ، ٹرانزٹ اور سیاحتی ویزا فیس کے پاکستان آسکتے ہیں تاہم ورک اور بزنس ویزا فیس برقرار رہے گی۔
قونصل جنرل خالد مجید نے کہا کہ سعودی شہریوں کے لیے وزٹ، ٹرانزٹ اور سیاحتی ویزہ مفت ہوگا البتہ ان سے پراسسنگ فیس وصول کی جائے گی اور پراسسنگ فیس 9 ڈالر یعنی 36 ریال رکھی گئی ہے۔
خالد مجید نے یہ بھی کہا کہ ورک اور بزنس ویزے کے لیے سنگل اینٹری بزنس ویزا فیس 90 دن کے لئے 100 ڈالر، ایک سال کے لئے 150 ڈالر جنکہ دو سال کے لئے 200 ڈالر مقرر کی گئی ہے۔
قونصل جنرل خالد مجید نے مزید کہا کہ حکومت ملک میں سیاحت اور تجارت کے فروغ کو آسان کرنا چاہتی ہے جبکہ ای ویزے اور فیس کے خاتمے سے سعودی عرب سے پاکستان جانے والوں کی تعداد میں اضافے کا امکان ہے۔
دوسری جانب سعودی حکومت نے کورونا کے پھیلاؤ کے سدباب کے لیے پاکستان سمیت20ممالک پرعارضی پابندی عائد کردی ہے، سفارت کاروں، ڈاکٹروں اور ان کے اہل خانہ کو مستثنیٰ قرار دیا گیا ہے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News