سندھ کے وزیر ناصر حسین شاہ نے کہا ہے کہ چیئرمین سینیٹ پی ڈی ایم کا امیدوار بنے گا۔

تفصیلات کے مطابق کراچی میں میڈیا سے گفتگو وزیر بلدیات ناصر حسین شاہ نے کہا کہ جنہوں نے سینیٹ کے انتخابات میں حکومت کو ووٹ نہیں دیا، انہوں نے اسمبلی میں وزیراعظم کو این آر او دے دیا۔

سندھ کے وزیر ناصرحسین شاہ نے کہا کہ چیئرمین سینیٹ پی ڈی ایم کا امیدوار بنے گا جبکہ ووٹ کیلئے ایم کیوایم اور جماعت اسلامی کے پاس بھی جائیں گے۔

دوسری جانب وزیر بلدیات ناصر حسین شاہ نے ڈائریکٹر چڑیا گھر خالد ہاشمی کو معطل کردیا۔

وزیر بلدیات نے چڑیا گھر میں پارکنگ عملے کو گرفتار کرنے کا حکم دیتے ہوئے کہا کہ ایس ایس پی سائوتھ پارکنگ عملے کو گرفتار کرکے مقدمہ درج کریں

یاد رہے کہ وزیر بلدیات ناصر حسین شاہ کے دورے کے دوران پارکنگ فیس کی شکایت ملی تھی کہ 30 روپے کے بجائے گاڑی پارکنگ فیس 100 روپے وصول کی جارہی ہے۔