27 ممالک نے متحد ہوکر روس کیخلاف بڑا ایکشن لے لیا۔

 غیر ملکی ایجنسی کے مطابق یورپی یونین کے 27 ممالک کے سفیروں نے روسی بلاگر الیکسی ناوالنی کی صورتحال کے پیش نظر روس مخالف مزید پابندیوں پراتفاق کیا ہے۔

غیر ملکی ایجنسی کا کہنا ہے کہ یورپی مستقل نمائندوں نے الیکسی ناوالنی فیصلے کے ذمہ دار افراد کے خلاف انسانی حقوق کی پامالی کا الزام عائد کرتے ہوئے پابندیاں عائد کردیں۔

غیر ملکی میڈیا رپورٹس کے مطابق اس فیصلے کی جلد ہی یورپی کونسل توثیق کرے گی اور سرکاری جریدے میں شائع ہونے کے بعد روس پر از خود نئی پابندیاں نافذ ہوجائیں گی۔

یاد رہے کہ22 فروری کو یورپی یونین کے وزارتی اجلاس میں روس کے خلاف مزید پابندیوں کے بارے میں ایک سیاسی فیصلے پر اتفاق کیا گیا تھا۔